柏林聯主場對緬恩斯，柏林聯上輪打吡戰贏哈化，依家只係落後榜首拜仁一分，主場出擊惡到暈，近41場德甲主場24勝15和2負，去年二月負多蒙特後，一年來主場14戰10勝4和，今場遇上抖少日嘅緬恩斯佔盡優勢，近兩季主場對賽都贏4:0同3:1，追捧主勝。

德甲科隆主場對萊比錫，萊比錫歇冬後4戰全勝，但上輪主場對史特加贏波輸盤，中場爭奪亦經常搶輸，狀態唔算好。主力攻擊手尼干古同奧莫養傷，前線安達施華同添姆雲拿表現低迷，加上週中搏完德國盃，體力唔及抖咗成個禮拜嘅科隆。主隊歇冬後亦未輸過，而且遇強越強，近兩季主場對萊比錫一勝一和，首循環作客兩度落後下都逼和萊比錫，受讓值博。

德甲獨腳戲奧格斯堡對利華古遜，奧堡歇冬期狂掃入7名新兵，全部都係年輕人，相信要啲時間融入球隊；利華輸完俾多蒙特，爭下屆歐洲賽資格大受打擊，教練沙比阿朗素承認艱難，但會盡一切努力嘗試，憑技高一籌，加上近11次作客奧堡有7勝4和佳績，讓半一撐上盤。

德甲今輪壓軸戲利華古遜對多蒙特，之前6連勝嘅最弗球隊禾夫斯堡尋晚突然跌watt走晒樣，5連勝嘅利華會唔會步佢哋後塵呢？黑柴覺得利華比禾堡更正氣，更有決心爭奪下屆歐戰資格。多蒙特歇冬後連仗靠運絕殺對手，今季作客弱項已輸5場，平手盤撐主隊。

德甲史浩克04主場科隆，史浩克前仗吞法蘭克福3蛋，但鬥志仍然得到讚賞，不過上場俾萊比錫狂炒，鬥志唔見晒，可以呢班波實力弱之外，體能亦差不利連拚，今晚教練話要大變陣，但實際可用球員有限。科隆歇冬後大勝不來梅同作客和拜仁水準奇高，遇弱追客勝。

週末德甲演北部綠色打吡，雲達不萊梅主場對禾夫斯堡，兩軍狀態高下分明，禾堡6連勝攻守都弗爆，相反不來梅被大炒完再被反勝，今場匆匆再戰，禾堡7連勝勢不可擋。

週五德甲獨腳戲向來暗湧多，但今晚萊比錫主場對史特加，史特加當黑好難發圍，佢哋上輪作客賀芬咸合演低水準混戰，原本踢到77分鐘靠隊長遠藤航入靚波，落後下一度反勝，可惜小將艾哈馬達慶祝過激攞第二面黃牌被逐，無端踢少個，遭對手補時4分鐘逼和。今季作客開唔到齋，場波仲有4名主力戰將勇戰受傷，施拉斯同堤亞高湯馬士都肯定今仗缺陣，作客萊比錫凶多吉少。

萊茵河打吡，兩軍都弗 波琴德甲3連勝，主場更4連勝，利華古遜亦4連勝。但相比之下，波琴不但技遜一籌，作客更係弱項，今季德甲8戰輸咗7場。利華王牌域斯今仗傷癒後首度擔正，主場出擊值得追捧。

哈化柏林主場對禾夫斯堡，哈化上輪護級戰輸俾波琴，表現唔對辦，前線冇人識入波，落後咗拚勁亦不足；禾堡5連勝全德甲最弗，共入17球只失1球，防線穩陣之餘，剛戰大炒弗賴堡，前線刮起青春風暴，柏德列韋馬、雲特、菲歷斯尼美查同柏利迪斯等組成高速鋒線，作客讓波都要捧。

德甲快車頭場史浩克對萊比錫，史浩克傷兵多兵源短缺，匆匆再戰蝕底；萊比錫上仗和拜仁表現比對手更佳，只係前線冇貨交浪費機會，今仗對手由榜首換上榜尾，相信一班鋒將會把握機會交表現。萊比錫已跌出前四，冇失分空間，遇弱讓一球信得過。