*曼聯主場求反彈* 曼聯近況麻麻，歐冠先後輸馬體會同大敗俾科木，防守成日甩漏。今場返到奧脫福，肯定想止血。 *羅馬狀態更FIT* 羅馬近排踢得唔錯，上輪歐冠4:0大勝布拉迪斯拉發，進攻效率高。中場柏歷堅尼有視野又有遠射，如果捉到曼聯防線空位打快攻，作客絕對有力偷分。 以我睇法： 曼聯近排防線唔穩，而同羅馬既近況相比之下，今場我睇高羅馬作客，有較大機會拎走分數，坐和望贏。

飛燕諾今場終於有好消息，主帥雲邦賀斯確認，兩名前鋒可以復出！ 中鋒沙基爾·雲佩斯（7場）同翼鋒列斯·尼爾遜（1場）已經跟返大隊操，今場會重返大軍名單，係9月中之後第一次有得踢。 *後備深度返嚟* 兩個人今季都係踢後備為主，雲佩斯7次都係後備上陣，尼爾遜就踢過1次，暫時未有波入。不過對教練嚟講都係好重要，起碼去到70幾分鐘想變陣、想換個中鋒去頂、或者換個快翼去爆，終於有牌可以用，唔使死用幾個主力踢足全場。 *後防依然頭痛* 前場鬆動咗，但後防就未見好轉。 中堅辛祖斯特（11場）脛骨受傷，至少要抖到國際賽期前，佢上場踢PSV半場就傷出，上輪對幸運薛達已經冇踢，今場繼續缺陣。 另外中場莫達（1場）啱啱先傷完，上周五操練又再唔舒服，要再檢查，唔知幾時先踢得返。 仲有中堅比倫、左閘保斯、右閘紐高普都仲養緊傷；左閘史馬爾雖然跟操，但預計今場都係趕唔切。 以我睇法： 飛燕諾前場終於多返兩個人輪換，但後防中堅同兩閘都係唔夠人，今場隨時又係一場入球騷。

拜仁前線又出事，上輪2-2迫和多蒙特之後，再傷兩個！ *一戰傷兩個翼鋒* 格納比（7場1球）同沙巴利（14場3球3助）上輪踢完先後傷出，今場肯定踢唔到。 沙巴利傷得幾重，右腳踝下脛腓聯合韌帶撕裂，已經做完手術；格納比就係左大腿後側肌肉受傷，兩個暫時都唔知幾時先復出到。 *傷兵仲有幾個* 之前傷開嘅路爾斯迪亞斯（11場5球1助）同穆斯亞拿（4場2球1助）雖然已經開始有波操，但仲未踢得；巴拉尼戴耶（2場）就啱啱做完闌尾切除手術，都係踢唔到，前場換人真係冇乜位走。 *都有返啲好消息* 奧利斯（13場12球6助）已經復操，仲有跟隊去馬德里；紐亞（7場3次零封）都操返有入名單。奧利斯今季已經直接參與18球，如果今場踢得，進攻同埋把握力嗰方面肯定幫到手。 甘賓尼仲喺昏迷後休養緊，繼續由助教阿倫丹克斯帶隊，佢話風格唔會變，都係會主動去攻，想控制住個波。 不過咁多翼鋒同攻中都冇，拜仁喺邊路爆破、禁區前配合、同埋下半場換人變陣，選擇真係少咗好多。 以我睇法： 拜仁前線傷兵太多，輪換已經去到好緊，今場作客要贏波，難度真係唔細。相反馬體會喺主場一向硬淨，防守夠晒穩，今場我較睇好馬體會可以守住不敗，甚至有機會靠主場之利偷雞贏埋！

里爾出發去挪威前臨時出事，又少一個主力！ *中場少咗個大腦* 全勤防中賓特納（12場1助）臨時病倒，上唔到機。主帥話為安全起見，等佢留低休息，希望趕得切周末鬥雷恩。 大鑊在於賓特納之前3場歐聯場場正選，佢一缺陣，中場駁腳、控制節奏、同埋由守轉攻嗰下出波，成隊波都受影響。 *兩個正選一齊冇得踢* 翼鋒伊登麥巴比（9場2球1助）都踢唔到，之前對貝迪斯食紅牌被罰停3場，今場啱啱停埋最後一場。佢同賓特納上輪對朗斯都係正選贏打吡，依家一齊缺陣，中前場要重新組合過。 *傷兵仲有一大班* 上田綺世（6場3球）足底筋膜撕裂；伊加文尼十字韌帶重傷仲休緊；右閘泰亞高山度士（7場2球）最嚴重，右膝十字韌帶完全斷裂加埋半月板受傷，要長期休養。 另外翼鋒巴沙爾奧拿（6場）都冇入21人大名單，嗰邊報道話係教練選擇，唔係受傷。 以我睇法： 里爾歐聯已經三連敗，今場仲要喺人工草對波杜基林特，要頂住人哋高位逼搶同北歐環境，里爾中後場隨時頂唔順。相反波杜基林特主場有人工草優勢，踢法夠晒主動，今場我更睇好波杜基林特可以借里爾缺陣一舉搶分！

🚨 伯明翰門將位置亮起紅燈？ 全勤一號門將占士·比度，上輪比賽半場被撞傷退下火線，主帥基斯·戴維斯至今未能保證他今晚能候命。 二號門將賴恩·阿爾索普已經準備臨危受命。雖然佢8個月未擔任聯賽正選，但上輪後備半場即交出一次精準長傳助攻，助球隊鎖定勝局。 *值得留意，主帥戴維斯賽後已公開力撐阿爾索普，表明對這名二號門將充滿信心，認為他已準備好迎接挑戰。* 今晚我仍然睇好係戴維斯既信任，同埋全隊士氣加持，伯明翰即使要變陣把關，今晚都可以守住勝果，全取三分。