世界杯G組首輪，伊朗對紐西蘭，個人認為呢場波對攻攻味好濃 首先，伊朗係主教練Ghalenoei嘅執教下，係一隊進攻踢法好積極嘅球隊，係陣中有住Taremi,Azmoun兩大前鋒加持下，伊朗進攻火力好強，再加上雖然國際排名唔差，但係整體實力麻麻嘅紐西蘭，再加上後面兩場小組賽要對住比利時，埃及呢兩對，呢場更加唔會留力 咁講下紐西蘭啦，呢對波極度依賴佢地嘅隊長Chris Wood，係呢種情況下球隊都係會用高空戰術以及死球戰術吊波比佢，應該有機會有意外收穫執到一球，因為伊朗偏向進攻，防守其實一般 總體而言，呢場波伊朗贏應該問題不大，但係對比邊隊贏，不如試下高水嘅2.5入球大仲好 如果有師兄想贏多少少，個人都建議可以買少少紐西蘭單邊角球大

黎到睇早上6點沙地對陣烏拉圭 呢場波我睇好大角球，咁宜家分析下比大家聽 第一個重點位在於沙地嘅進攻同防守策略，上一屆世界杯相信好多師兄都有睇，今年個陣容同上屆差唔多，佢地今年都係以防反為主作為進攻手段，咁防守方面佢地多數都會收窄中路 再講如果烏拉圭要進攻嘅情況下唯有從兩邊翼位唸辦法，烏拉圭主帥Bielsa嘅戰術鐘意利用兩邊閘位上前做傳中加上前鋒Nunez嘅高空波處理都比較出色(點都好過佢用對腳射歪) 總括而言，呢場波我睇好8.5/9.5大，認真好過買馬會個濕鳩盤

講一講香港時間早上10點，瑞典對突尼西亞，呢場係小組賽黎講對瑞典非常重要，因為之後兩場對住日本同荷蘭，呢場叫相對容易攞低三分 外國網站宜家多數都係開緊讓半球，但係作為相對度縮嘅馬會就梗係開-0.5/1嘅盤啦，唸住就算瑞典贏到，都係比我地收半格，但係我相信呢場瑞典會開足火力，唔會一球就收貨 首先，瑞典擁有英超雙箭頭Viktor Gyökeres同埋Alexander Isak，前者對於阿仙奴今年奪冠有深厚影響，後者雖然今年係利物浦有啲沉寂，同埋比較多傷患，但係Isak踢親國家隊都比較醒神 同埋好多人覺得突尼西亞好強，係非洲世界杯外圍賽0失球入圍世界杯，但係大家要記得，個度係非洲唔係歐洲，進攻火力完全唔可以相提並論 所以我認為呢場波，如果大家有自己方法，就可以買-0.5，如果跟馬會就買-0.5/1，再貪心少少大家可以少少試下個讓球主客和-1

今年世界杯，荷蘭對日本呢場波，角球大有好大優勢 首先第一樣就係荷蘭對住日本有曬身高優勢，爭取角球同埋死球係佢地呢對波今晚最優先要做嘅事 第二就係荷蘭兩邊嘅翼位同閘都係推進同傳中嘅好手 ，例如Dumfies 咁講下日本，雖然身形問題無辦法抗衡，但係相信大家對於日本國家隊嘅足球多少都有啲認知，尤其上年世界杯接連搞掂西班牙等一堆球壇強隊都有一定嘅辦法 個人認為重中之重就係佢地比較注重係地面配合以及快速轉移上面，雖然今年日本隊無左三笘薰呢個左翼好手同埋隊長遠藤航，但係依然仲有久保建英，伊東純也呢類翼位好手，佢地嘅進攻手段都比較多係禁區邊緣突破或者遠射為主。 就我角度黎睇呢場波只要有第一球進賬出現，之後出角球嘅幾率都好高，暫時就我所見，無論外國定係馬會暫時都係做緊8.5，9.5，個人推薦大角球，保守可以8.5，進取9.5都得，又或者好似我咁，大注8.5，然後再細注少少買埋9.5